Merħba għan-Newsletter ta' l-eTwinning b'dehra ġdida! Kif qed taraw bdilna l-istil biex nagħmluha aktar faċli biex issibu dak li tridu. Nispera li tieħdu pjaċir taqraw din l-ewwel edizzjoni. Nieħdu gost inkunu nafu x'taħsbu dwar in-Newsletter u dwar l-esperjenzi tagħkom fl-eTwinning. Ftakru li tistgħu tpoġġu l-kummenti tagħkom fil-Blog ta' l-Għalliema li jinsab http://blog.eun.org/etwinning

Minħabba li din hija l-aħħar Newsletter ta' l-2006, it-tim kollu tas-Servizz Ċentrali t'Appoġġ flimkien miegħi jixtiqukom Btajjel tal-Milied mill-isbaħ u nkunu qed nistennew biex inqattgħu sena oħra ta' eTwinning magħkom minn Jannar 2007.

Xewqat sbieħ lilkom ilkoll,
Anne Gilleran
anne.gilleran@eun.org

X'inhu jiġri fl-iskejjel

Proġett tax-Xahar 
It-Teenagers u l-ICT
L-għalliema jitgħallmu jużaw metodi ġodda ta' tagħlim filwaqt li studenti mill-istati membri antiki u dawk ġodda jitgħallmu dwar is-sistemi edukattivi u l-kulturi ta' xulxin.
Aktar proġetti

Label ta' Kwalità
Tfal t'Artijiet Oħra
Għal studenti tat-tielet sena tal-Primarja fi Franza u l-Iskozja, dan il-proġett jiffoka fuq l-iskambjar ta' informazzjoni dwar kull pajjiż, dwar il-passatempi u l-kitba ta' storja kollaborattiva.
X'inhi l-Label ta' Kwalità?

Mill-Portal ta' l-eTwinning 

Aħbarijiet
Premjijiet ta' l-eTwinning 2007
Id-data ta' l-għeluq għall-Premjijiet ta' l-eTwinning riesqa dejjem aktar fil-qrib, għaldaqstant kunu żguri li tapplikaw sal-15 ta' Diċembru 2006.

Il-Kit tax-Xahar
ICT għall-Edukazzjoni
Studenti fil skejjel imsieħba jitgħallmu u jirriflettu dwar l-użu ta' numru t'għodod għall-kollaborazzjoni.

Aħbarijiet
20 000 Skola Irreġistrata
Ftit aktar minn sentejn wara t-tnedija, fl-eTwinning issa hemm aktar minn 20,000 skola rreġistrata!

Mistoqsija tax-Xahar
What is the TwinSpace?
It-TwinSpace hija pjattaforma unika u faċli biex tużaha li tippermetti lill-iskejjel jaħdmu flimkien fuq proġett.

X'inhu jiġri fl-Ewropa

Bulgarija: Kompetizzjoni E-Card
Bħala parti mill-'Ġimgħat ta' l-eTwinning', il-Bulgarija nediet Kompetizzjoni ta' E-Cards għall-istudenti. Ir-rebbieħa kienu mħabbra fil-25 t'Ottubru u x-xogħol tagħhom issa jinsab online. Prosit!

Danimarka/Svezja: 140 għalliem “Jibnu Pontijiet”
L-aħħar Workshop għall-Iżvilupp Professjonali ta' l-eTwinning sar ġewwa Copenhagen u Malmö bejn is-17 u d-19 ta' Novembru 2006. Ir-Riżultati ta' dan il-workshop konġunt, inklużi vidjos u riitratti huma disponibbli online.

Finlandja: Seminar, 8 ta' Diċember 2006
Dan is-Seminar ġewwa Helsinki ser jiffoka fuq il-proġetti internazzjonali fil-kurrikulu kif ukoll fuq l-eTwinning u l-għodod għall-ippubblikar. Il-lingwa tas-seminar se tkun l-Isvediż imma kelliema Finlandiżi jkunu merħba bihom ukoll!

Danimarka: L-UE u l-Pjan għall-Lezzjoni
eTwinning Denmark, l-Aġenzija Comenius Daniża u l-Uffiċċji Informazzjoni lokali tal-Parlament Ewropew u tal-Kummissjoni ingħaqdu biex jorganizzaw 10 seminars fi Brussell biex kapijiet ta' skejjel jitgħallmu dwar proġetti kollaborattivi.

CSS - EUN Office - Rue de Trèves, 61, B-1040 Brussels | Belgium http://www.etwinning.net