Ir-Rebbieħa tal-Kompetizzjoni Jum l-Internet aktar Sigur 2007 ippremjati

	Għalliema u studenti minn tmien pajjiżi ġew ippremjati għall-proġetti eċċellenti tagħhom dwar is-sigurtà fuq l-internet waqt l-għoti tal-premjijiet għal Jum l-Internet aktar Sigur 2007 ġewwa Brussell fil-11 ta' Ġunju.

Il-Kompetizzjoni Jum l-Internet aktar Sigur 2007, organizzata minn Network Insafe u mnedija fil-ħarifa ta' l-2006 kellha l-parteċipazzjoni ta' mijiet ta' skejjel minn madwar l-Ewropa u minn madwar id-dinja. Din kienet imsejsa fuq tliet temi - Privatezza Elettronika, Netikett u l-Importanza ta' l-istampi – skejjel imsieħba ħadmu flimkien fuq proġett ta' tliet xhur biex jiriflettu u jiddiskutu dwar dawn it-temi daqstant importanti.

B'kollox kienu ippremjati erba' proġetti: wieħed għal kull waħda mit-tliet temi u wieħed għall-innovazzjoni. Il-premju għal kull skola, sponsorjat minn Vodafone u Liberty Global, kien tas-somma ta' 1500 ewro biex jintużaw għax-xiri ta' tagħmir ta' l-ICT għall-iskola tagħhom.

Ħadna pjaċir naraw li ħafna mill-proġetti mdaħħla għall-kompetizzjoni kienu minn skejjel li qed jieħdu sehem fl-eTwinning. Barra minn dan, fost it-tmien finalisti kien hemm sitta li kienu skejjel ta' l-eTwinning.

Il-Kompetizzjoni Jum l-Internet aktar Sigur 2007 kienet it-tieni kompetizzjoni internazzjonali organizzata min-network Insafe fil-kuntest ta' "Jum l-Internet aktar Sigur" li din is-sena kien imfakkar nhar is-6 ta' Frar.

Il-Kompetizzjoni tas-sena d-dieħla dalwaqt tkun imnedija, żommu rwieħkom infurmati għal aktar dettalji!

• Għal aktar informazzjoni dwar il-proġetti rebbieħa, agħtu ħarsa lejn Il-Gallerija tal-Proġetti Insafe.
  
  

	Editur tal-Web:	Christina Crawley

	Ippubblikat :	03/07/2007

	Mibdul l-aħħar :	24/08/2007

	Lingwi oħra :	bg | cz | da | de | el | en | es | et | fi | fr | hu | it | lt | lv | mt | nl | no | pl | pt | sk | sl | sv