E-Español: It-Tagħlim tal-Lingwi u l-Podcasting

Fittex

Newsletter

Daqs ta' l-ittri:

Ipprintja din il-paġna

E-Español: It-Tagħlim tal-Lingwi u l-Podcasting

	E-Español huwa portal għall-iskejjel li jikkonċentra fuq it-tagħlim ta' l-iSpanjol permezz tal-podcasting. Il-portal kien żviluppat Mill-Conseil général des Pyrénées-Atlantique fi Franza

Il-Portal E-Español ġie maħluq din is-sena skolastika fir-reġjun tal-Pyrenees fuq l-Atlantiku ta' Franza. Fil-kuntest ta' websajts oħra li huma popolari fost iż-żgħażagħ, l-għan ta' E-Español huwa li jipprovdi studenti b'mezz divertenti online biex jipprattikaw il-lingwa. Għaldaqstant, permezz ta' l-użu tal-podcasting, l-istudenti jistgħu joħolqu u jirrekordjaw awdjo u jippubblikawh online.

Billi r-reġjun tal-Pyrenees Atlantiku huwa viċin il-fruntiera ma' Spanja, dan il-proġett ġie b'mod naturali għall-iskejjel tar-reġjun. Il-portal jippermetti lill-istudenti biex jikkomunikaw flimkien, mhux biss ma' skejjel oħra fil kuntest ta' l-eTwinning, imma wkoll ma' skejjel minn madwar id-dinja billi l-portal huwa miftuħ għal kulħadd.

Antoine Bidegain, mill-Conseil général des Pyrénées-Atlantique, jispjega kif ir-rwol tal-portal jinqasam fi tlieta:

li jservi bħala għodda biex nimmotival lill-istudenti jitkellmu bl-Ispanjol
jforni portfolio online fejn l-istudenti jaqsmu x-xogħol ma' oħrajn barranin
jippromwovi u jesebixxu xogħol fuq proġetti tajjeb

Il-portal jitħaddem permezz ta' magna għall-blogs bla ħlas (Dotclear 2.0) li ġet mibdula biex tissodisfa l-ħtiġijiet ta' l-iskejjel.

Ikseb aktar tagħrif dwar il-portal E-Español
Agħti ħarsa lejn l-avveniment tat-tnedija

Il-Podcasting u l-eTwinning?

Il-Podcasting hija għodda eċċellenti għal xogħol fuq proġetti ta' l-eTwinning. Kemm biex ikun prattikat it-tagħlim tal-lingwi jew biex tikkomunika għal xi suppett ieħor, dain hija għodda tajba ħafna u faċli biex tużaha. L-istudenti ta' kull età jieħdu pjaċir jużawha.

Kif tibda:

1. Tagħmir. Agħti ħarsa lejn it-tagħmir li jkollok bżonn biex toħloq podcast:

Komputer normali PC jew Mac
Mikrofonu: kwalinkwe mikrofonu bast mhux dawk tat-tip built-in
Softwer għar-rekordjar: nirrakkomandaw Audacity li huwa b'xejn u ssibu għall-PC u l-Mac kif ukoll GarageBand għall-Mac.
Blog: Wieħed li jissapportja l-podcasts bħall-WordPress, Blogger jew TypePad.

2. Tħejjija. Installa s-softwer u tkun lest biex tirrekordja. Qabel tirrekordja, żviluppa idea ċara ta' dak li trid tagħmel bil-podcast. Xi trid tgħid? Min hi l-udjenza tiegħek?

TIP: Tagħmilx ir-rekordings twal iżżejjed. 15 sa 20 minuta għandhom ikunu biżżejjed.

3. Ippubblikar. Wara r-rekording, issejvja l-fajl f-format mp3 (dan huwa l-aktar komuni għall-podcasts) u ippubblikah fuq il-blog.

TIP: La darba tkunm għamilt l-ewwel podcast, ibqa' ippubblika - il-podcasts m'humiex avvenimenti ta' darba. Idealment għandek tippubblika wieħed kull ġimgħa jew għallinqas kul ġimgħatejn jew tlieta.

La darba l-podcast ikun ippubblikat fuq il-blog, l-istudenti jistgħu jisimgħu il-podcasts, jibgħatu kummenti u jiddikutu r-riżultati flimkien.

Tgħallem aktar dwar il-podcasting:

Sib eżempji tal-podcasting fl-edukazzjoni:

	Editur tal-Web:	Christina Crawley

	Ippubblikat :	24/04/2008

	Mibdul l-aħħar :	13/05/2008

	Lingwi oħra :	bg \| cz \| da \| de \| el \| en \| es \| et \| fi \| fr \| hu \| it \| lt \| lv \| mt \| nl \| no \| pl \| pt \| sk \| sl \| sv

l-eTwinning huwa parti mill-Programm tat-Tagħlim Tul il-Ħajja tal-Kummissjoni Ewropea