Konferenza ta' l-eTwinning 2007

	Parteċipanti minn madwar l-Ewropa kollha ser jiltaqgħu flimkien fi Brussel bejn it-23 u l-25 ta' Frar biex jiddiskutu dwar il-futur ta' l-eTwinning u fejn ser isir l-għoti tal-premjijiet lir-rebbieħa tal-kompetizzjoni Ewropea ta' din is-sena.

Wara s-suċċess tal-Konferenza ta' l-eTwinning ta' l-2006 ġewwa Linz, l-Awstrija, il-"Konferenza ta' l-eTwinning 2007: L-eTwinning, il-Passat il-Present u l-Futur" li ser issir fi Brussel fil-Belġju u ser tkun importanti għax ser tkompli turi s-suċċess ta' din l-azzjoni. L-indirizz tal-ftuħ ser ikun magħmul minn Ján Figel, Membru tal-Kummissjoni Ewropea responsabbli għall-edukazzjoni, t-taħriġ, kultura u żgħaagħ.

Sitt rebbieħa (tliet rebbieħa u tlieta fit-tieni post) ser ikunu ntgħażlu minn kważi 350 applikazzjoni għall-Premjijiet ta' l-eTwinning 2007, u ser jirċievu l-premju tagħhom dakinhar. L-ewwel premju ser ikun il-parteċipazzjoni f'kamp ta' l-ICT t' erbat ijiem lejn l-aħħar t'April (il-post għadu jrid ikun ikkonfermat) fejn l-għalliema u l-istudenti rebbieħa ikunu jistgħu jiltaqgħu u jaħdmu flimkien wiċċ imb'wiċċ u jkomplu jitgħallmu dwar proġetti kollaborattivi online. Dawk li jiġu fit-tieni post ser ikunu mistiedna jipparteċipaw f'wieħed mill-workshops għall-iżvilupp professjonali li ser ikunu qed isiru sa Ġunju 2007.

Barra minn dan, waqt il-konferenza ser ikun hemm diversi sessjonijiet ta' taħriġ u ta' laqgħat fejn il-parteċipanti jkunu jistgħu jiddiskutu l-passat, il-present u l-futur ta' l-eTwinning fl-Ewropa; jitgħallmu aktar dwar l-għodod ta' l-eTwinning; isiru jafu aktar dwar dak li qed isir fuq livell Ewropew u nazzjonali; u jaqsmu l-ideat dwar kif jista' jissokta l-iżvilupp ta' l-Azzjoni.

Il-konferenza mistennija tiġbor madwar 450 parteċipant u ser issir fil-lukanda Crowne Plaza ta' Brussel.

	Editur tal-Web:	Christina Crawley

	Ippubblikat :	10/01/2007

	Mibdul l-aħħar :	24/08/2007

	Lingwi oħra :	bg | cz | da | de | el | en | es | et | fi | fr | hu | it | lt | lv | mt | nl | no | pl | pt | sk | sl | sv