L-Edukazzjoni intraprenditorjali fl-Unjoni Ewropea

	Dan il-kit isaħħaħ id-dimensjoni Ewropea u jtejjeb il-ħiliet ta' l-istudenti fit-Teknoloġija ta' l-Informazzjoni u l-Komunikazzjoni (ICT) u fil-lingwi barranin.

Etajiet: 15-18

Tul: Sena skolastika

Għodod ta' l-ICT: email, chat bil-vidjo, posta, għodod għall-preżentazzjonijiet, word processors, spreadsheets, databases, image processors, disinn għall-web, gruppi ta' diskussjoni, programmi għall-vidjo, kameras diġitali.

Suġġetti: Introduzzjoni għal ħiliet professjonali, ekonomija, Ingliż, proġetti intraprenditorjali, amministrazzjoni u tmexxija ta' kumpaniji.

Għanijiet

• L-Iżvilupp tal-ħiliet intraprenditorjali b'mod prattiku permezz tal-ħolqien ta' kumpanija fil-kuntest Ewropew.
• L-istudju ta' xi jfisser li tkun self-employed fl-Unjoni Ewropea.
• Jipprovdi sitwazzjonijiet ta' veru għall-użu ta' l-ICT u l-lingwi barranin bħala għodod f'ambjent multikulturali.
• L-Integrazzjoni tad-dimensjoni Ewropea fl-edukazzjoni sekondarja.

Valur pedgoġiku

Il-proġett jgħaddas l-istudenti f'ambjenti li jagħtu opportunitajiet biex jintegraw u jiskambjaw għarfien dwar kif taħdem f'kuntest Ewropew.

Studenti f'kull pajjiż joħolqu kumpaniji zgħar biex jimportaw u jesportaw prodotti tipiċi mir-reġjuni rispettivi tagħhom. Dan il-proċess jinkludi riċerka, komunikazzjoni u u tagħlim kooperattiv bejn żewġ kumpaniji żgħar - bl-involviment ta' l-ICT u l-użu ta' lingwi barranin.  

L-istudenti jitgħallmu mill-esperjenza għax il-ħtiġijiet tat-tagħlim tagħhom ikunu ġejjin minn problemi differenti li jiffaċċjaw. Ir-rwoli ta' l-għalliema u ta' l-istudenti jinbidlu. L-għalliem issir facilitator, membru ieħor tat-tim filwaqt li l-istudenti jkunu fuq quddiem fil-proċess tat-tagħlim. Xi wħud mill-ħiliet li l-istudenti jitgħallmu huma, l-kreattività, l-innovazzjoni, teħid ta' deċiżjonijiet, li toqgħod fuqek innifsek, u apprezzament akbar tal-ħtieġa tat-tagħlim tul il-ħajja.

Il-prodotti jkunu importati u esportati minn dawn il-kumpaniji jagħtu l-opportunità lill-istudenti biex jirriflettu fuq aspetti bħall-integrazzjoni Ewropea u d-differenzi eżistenti u x-xebħ bejn pajjiżi Ewropej.

Biex issir taf aktar, iklikkja hawn (PDF, bl-Ingliż)

	Editur tal-Web:	Nuria de Salvador

	Ippubblikat :	19/10/2005

	Mibdul l-aħħar :	16/02/2007

	Lingwi oħra :	bg | cz | da | de | el | en | es | et | fi | fr | hu | it | lt | lv | mt | nl | no | pl | pt | sk | sl | sv