Għan

Jirriflettu fuq xi jfisser fil-verita' li tgħix il-gwerra billi jintervistaw nies li għaddew minnha.

Min hu novlut?

Żewġ skejjel minn pajjiżi Ewropej li jiftakru l-gwerra. Jistgħu ikunu n-nanniet, il-ġenituri jew huma nfushom li għaddew minnha u jistgħu jaqsmu l-esperjenza tagħhom.

Lingwa

L-istudenti jużaw il-lingwa tagħhom għall-intervisti u jiktbu taqsiriet tagħhom biex ikunu tradotti mill-għalliema tal-lingwi barranin jew studenti ikbar. Il-lingwa tat-traduzzjoni tkun mifthiema bejn l-imseħbin qabel jibda' l-proġett.

Il-lingua franca mifthiema tiġi wżata mill-istudenti għall-kitbiet ta' taħt l-istampi u d-dokumenti.

Għanijiet pedagoġiċi

• Jirriflettu fuq il-kruha tal-gwerra 
• Jitgħallmu dwar l-istorja riċenti
• Jagħmlu taqsiriet u disinji
• Jfittxu dokumenti u riżorsi 
• Jiktbu captions b'lingwa barranija
• Joħolqu paġni għal-Internet żgħar 

Għalliema responsabbli

• Għalliema ta' l-Istorja
• Għalliema tal-lingwa 
• Għalliema tal-lingwi barranin
• Għalliema ta' l-ICT 

X'jagħmlu l-istudenti?

1. Jaqraw u jitgħallmu dwar il-gwerra li jkunu ser jaħdmu fuqha (Għalliema ta' l-Istorja)
2. Iħejju dokument imqassar dwar dak li jsibu (Għalliema ta' l-Istorja)
3. Iħejju kwestjonarju biex jistaqsu lin-nies li għexu l-gwerra (Għalliema ta' l-istorja u tal-lingwa) 
4. Jaqsmu il-mistoqsijiet tal-kwestjonarju tagħhoom ma' l-iskola msieħba u jagħmlu xi tibdil jekk ikun hemm bżonn (Għalliema ta' l-ICT) 
5. Isibu lill-min jintervistaw
6. Jiktbu taqsiriet ta' xi jkunu tgħallmu mill-intervisti, biex jiġu tradotti għall-lingua franca jew minnhom infushom inkella minn studenti ikbar jew l-għalliema tal-lingwi barranin. (Għalliema ta' l-istorja u tal-lingwi)
7. Isibu materjal mhux pubblikat biex jikkorrobora s-sejbiet tagħhom (ritratti jew dokmenti żgħar) 
8. Jiktbu captions għal dan il-materjal (bil-lingua franca mifthiema) (bl-involviment ta' l-għalliema tal-lingwi barranin)
9. Jagħmlu paġna għall-Internet (Għalliem ta' l-ICT) 
10. Iżuru l-paġni ta' l-Internet ta' xulxin u jħejju mistoqsijiet lil xulxin dwar aspetti li ma jkunux fehmu (Għalliema tal-lingwi barranin)
11. Jiktbu dokument dwar id-differenzi u s-similaritajiet tal-kunflitti li jkunu studjaw  (Għalliema tal-lingwi u ta' l-istorja)
12. Jirreaġixxu għad-dokumenti ta' xulxin (Għalliema tal-lingwi u ta' l-istorja)

Credits: Magda Tebe and Victoria Nicuesa, minn Spanja li implementaw verżjoni ta' dan ix-xenarju