Kavallieri Ewropej - minn fantasija medjevali għal fantasija letterarja

	Studenti (13-18 -il sena) jippreżentaw l-aktar kavallieri famużi fl-istorja u l-litteratura nazzjonali u jitgħallmu dwar stejjer u eroj minn żminijiet medjevali.

Lingwa

Studenti jużaw il-lingwa tagħhom biex jippreparaw materjali, imbagħad jaqilbuhom għall-Ingliż.

Għanijiet pedagoġiċi

• Li jkun meqjus il-kunċett tal-kavallier ideali u ta' kif dan ġie maħluq fil-letteratura u fl-istorja,
• Li jitgħallmu dwar l-istorja u l-letteratura Ewropea,
• Li tislet, tqassar u tiddeskrivi,
• Li ssib dokumenti u sorsi ta' informazzjoni,
• Tpenġija ta' stampi,
• Li tħejji kitbiet bl-Ingliż,
• Li titħejja wirja li turi dak li ġie mwettaq,
• Li jsiru paġni tal-web.

Għalliema

• Għalliema tal-lingwa u l-letteratura,
• Għalliema ta' l-istorja,
• Għalliema ta' l-Ingliż,
• Għalliema ta' l-ICT,
• Għalliema ta' l-arti.

Dak li jagħmlu l-istudenti

1. Jiġbru informazzjoni dwar is-suġġett.
2. Jagħżlu l-aktar kavallier nazzjonali famuż u jippreżentawh.
3. Jagħmlu lista ta' kastelli u bini medjevali, jiġbru ritratti u jistħarrġu l-istorja tagħhom.
4. Jagħmlu taqsira ta' storja, novella, ħrafa jew film dwar il-Medju Evu. Jippreżentaw l-awtur jew id-direttur.
5. Ifittxu t-traċċi tat-templari, cathares, merċenarji jew ordnijiet xivalriċi f'pajjiżhom. Jagħmlu mappa li turi fejn kienu joqgħodu.
6. Jiddeskrivu l-aktar battalja medjevali famuża fl-istorja nazzjonali.
7. Jippreżentaw eroj mill-letteratura tal-fantasija jew mit-tradizzjoni letterarja tagħhom.
8. Ipinġu stampi ta' l-eroj.
9. Jaqilbu kitbiet għall-Ingliż bl-għajnuna ta' l-għalliema u jibgħatu l-materjal lill-iskola l-oħra permezz ta' l-email.
10. Ifasslu websajt bil-materjal li jkunu ġabru.
11. Iqabblu x-xogħol taż-żewġ skejjel u jaħsbu dwar kif inħolqot ix-xbieha tal-kavallier ideali.
12. Iħejju wirja finali mill-materjali li jkunu ġabru matul il-proġett. Jippreżentawh lil nies minn skejjel oħra.

	Editur tal-Web:	Nuria de Salvador

	Ippubblikat :	15/12/2005

	Mibdul l-aħħar :	15/02/2007

	Lingwi oħra :	bg | cz | da | de | el | en | es | et | fi | fr | hu | it | lt | lv | mt | nl | no | pl | pt | sk | sl | sv