X'qed jiġri fl-Islanda

	Interessat/a tinvolvi ruħek fi proġett ta' l-eTwinning ma' skola fl-Islanda? Biex insiru nafu aktar dwar kif inhu sejjer l-eTwinning fl-Islanda, kellimna lil Gudmundur Ingi Markusson, il-Koordinatur ta' l-eTwinning fl-Islanda.

X'hemm differenti dwar l-edukazzjoni fl-Islanda meta mqabbla ma' pajjiżi oħrajn fl-Ewropa? 
Is-sistema edukattiva ta' l-Islanda għandha l-għeruq tagħha fl-art Skandinava. Minbarra l-edukazzjoni ogħla, s-sistema tħadda tliet livelli: Kindergarten, skola obbligatorja (primarja u sekondarja t'isfel), u sekondarja ta' fuq b'etajiet li jkunu ta' 2-6, 6-16 u 16-19. Il-maġġoranza tat-tfal jgħaddu mit-tliet livelli.

Kif qed jitħaddem l-ICT fl-Islanda?
Filwaqt li l-aċċess u l-livell ta' użu jvara bejn skola għal oħra skond is-sapport u l-policies ta' l-iskola, l-iskejjel fl-Islanda huma mgħammra tajjeb ħafna għall-ICT, speċjalment l-iskejjel fil-livell obbligatorju u tas-sekondarja ogħla. L-aċċess b'ħeffa qawwija għall-Internet huwa mifrux sewwa fis-sistema ta' l-iskola. Dan ifisser li t-teknoloġija u l-infrastruttura għall-eTwinning jinsabu hemm.

Issa fir-raba' sena tiegħu, x'effett ħalla l-eTwinning fl-Islanda?
Fl-ewwel tliet snin, l-eTwinning jidher li kien anqas popolari mill-kuġin tiegħu - is-sħubijiet Comenius li kien aktar popolari ma' l-għalliema li xtaqu jiffurmaw sħubijiet. Issa, f'din il-ħarifa, u speċjalment wara l-attivitajiet tal-Ġimgħat ta' l-eTwinning rajna li r-reġistrazzjonijiet u s-sħubijiet kważi rduppjaw. Qed nistennew aktar progress tajjeb ħafna matul din is-sena. Ninsabu wkoll eċitati biex naraw is-suċċess ta' l-eTwinners tagħna fillivell tal-kindergarten. Qed nistennew żieda fl-użu tar-riżorsi tajba ta' l-ICT li l-għalliema fl-Islanda għandhom għad-dispozizzjoni tagħhom.

X'tip ta' proġetti l-aktar li jinteressaw lill-iskejjel mill-Islanda?
Għandna tqassim tajjeb ta' suġġetti bħal m'huma l-istorja, l-lingwi, l-kultura, l-matematika, x-xjenza, l-amjent u l-enerġija. Temi li jkunu partikolarment interessanti għall-Islanda huma l-enerġija ġeotermali, l-gżejjer, stati żgħar (il-popolazzjoni ta' l-Islanda hija biss ta' 300,000), il-litteratura (bħal mhuma l-leġġendi) u mużika popolari (Björk u Sigur Rós huma biss il-ħutiet il-kbar fost il-ħafna artisti). U dażgur - għandna għalliema mill-aqwa għas-suġġetti kollha.

Hemm xi attivitajiet speċjali ta' l-eTwinning għaddejjin fl-Islanda?
Kburin bl-ewwel Kompetizzjoni u Konferenza Nazzjonali fir-Rebbiegħa li għaddiet li ntrebħu minn erba' proġetti mill-aqwa li kellna matul is-sena skolastika ta' qabel. Din l-attività kienet suċċess u ġibdet ħafna attenzjoni mill-iskejjel - naħseb li issa qed naraw ir-riżultat ta' dan permezz tar-reġistrazzjonijiet u s-sħubijiet li qed ikollna. Issa diġà nedejna l-Kompetizzjoni Nazzjonali u qed nistennew li jkollna attività pożittiva oħra fir-rebbiegħa li ġejja.

X'pariri tagħti lill-għalliema li jixtiequ jissieħbu fi proġetti ma' skejjel fl-Islanda?
Barra mis-suġġerimenti tas-soltu li tkun taf dak li trid u li fl-istess ħin tkun flessibbli, nissuġġerixxi sempliċiment li ma żommux lura milli tagħmlu kuntatt! In-numru t'għalliema mill-Islanda dejjem qed jiżdied u ħafna minnhom mejta biex jagħmlu l-qabża rifreskanti fix-xmara diġitali!

Interessat/a li tinvolvi ruħek fi proġett ta' l-eTwinning ma' skola fl-Islanda?

Tgħallem aktar dwar l-Islanda billi tagħti daqqa t'għajn lejn informazzjoni dwar is-sistema edukattiva u l-proġetti ta' l-eTwinning tagħha.

• Sistema Edukattiva
• Informazzjoni Ġernerali (Wikipedia)
• Proġetti ta' l-eTwinning
• Servizz Nazzjonali t'Appoġġ

	Editur tal-Web:	Christina Crawley

	Ippubblikat :	23/11/2007

	Mibdul l-aħħar :	10/12/2007

	Lingwi oħra :	bg | cz | da | de | el | en | es | et | fi | fr | hu | it | lt | lv | mt | nl | no | pl | pt | sk | sl | sv