X'qed jiġri fil-Bulgarija

	Interessat/a tinvolvi ruħek fi proġett ta' l-eTwinning ma' skola fl-Islanda? Biex insiru nafu aktar dwar kif inhu sejjer l-eTwinning fl-Islanda, kellimna lil Stoyan Kulev, il-Koordinatur ta' l-eTwinning fil-Bulgarija.

X'hemm differenti dwar l-edukazzjoni fil-Bulgarija meta mqabbla ma' pajjiżi oħrajn fl-Ewropa??

Is-sistema ta' l-edukazzjoni sekondarja fil-Bulgarija tikludi l-kindergartens, l-iskejjel u entitajiet ta' sapport li jistg]u ikunu ta' l-istat, muniċipali jew privati skond il-mod kif inhuma mħaddma u ffinanzjati. Skond it-tip tat-taħriġ u tal-livell ta' l-edukazzjoni, l-iskejjel fil-Bulgarija huma maqsuma fi: skejjel primarji, skejjel bażiċi , skejjel sekondarji ġenerali, skejjel sekondarji speċjalizzati, skejjel sekondarji vokazzjonali, skejjel għall-isport, skejjel għall-arti u skejjel għal tfal bi bżonnijiet edukattivi speċjali.

Kif qed jitħaddem l-ICT fil-Bulgarija?

Waħda mill-akbar sfidi taż-żmenijiet moderni hija l-introduzzjoni ta' l-ICT fl-aspetti kollha tal-ħajja. Il-Ministeru ta' l-Edukazzjoni u x-Xjenza provda laboratorji tal-kompjuters bi broadband Internet f'kull skola fil-Bulgarija. Barra minn dan, ġie żviluppat portal edukattiv nazzjonali li huwa disponibbli għal kulħadd. Ġewwa dan il-portal tista' taċċessa kotba elettroniċi, testijiet, dokumentazzjoni ta' l-iskejjel u ħafna aktar informazzjoni utli għall-istudenti, l-għalliema u l-ġenituri.

Issa fir-raba' sena tiegħu, x'effett ħalla l-eTwinning fil-Bulgarija?

Il-Bulgarija ingħaqdet ma' l-eTwinning sena wara t-tnedija allura issa ninsabu fit-tielet sena. Fl-2006, flimkien mat-tnedija ta' l-azzjoni, 200 skola u kindergarten irreġistraw fil-portal. Issa r-reġistrazzjonijiet huma aktar minn 800 u hemm aktar minn 200 proġett għaddejin. Dan juri interess kbir mill-għalliema Bulgari li qed jipparteċipaw f'din l-inizzjattiva. Ħafna mill-proġetti jiżviluppaw u jidħlu tajjeb ħafna fil-Programm għat-Tagħlim Tul il-Ħajja. L-għalliema qegħdin jgħidulna dejjem aktar li t-tagħlim qed isir aktar interessanti u li għaldaqstant qed isir aktar faċli li titrasmetti l-kurrikulu lill-istudenti.

X'tip ta' proġetti l-aktar li jinteressaw lill-iskejjel mill-Bulgarija?

Ħafna mill-proġetti huma marbuta ma' l-iskambju ta' informazzjoni fuq suppetti kulturali bħal m' huma t-tradizzjonijiet, il-logħob u l-festi. Ħafna għalliema huma wkoll interessati fi proġetti għal-lingwi barranin għaliex dan huwa qasam ta' prijorità fl-Edukazzjoni fil-Bulgarija. Proġetti oħra jiffukaw fuq il-ħajja fil-pajjiż imsieħeb jew jitrattaw suġġetti vokazzjonali bħall-fiżika, l-matematika, l-ekoloġija u l-ekonomija.

Hemm xi attivitajiet speċjali ta' l-eTwinning għaddejjin fil-Bulgarija?

Bħala parti miċ-Ċentru għall-Iżvilupp tar-Riżorsi Umani, is-Servizz Nazzjonali t'Appoġġ għall-eTwinning jipparteċipa fl-avvenimenti informattivi kollha dwar l-opportunitajiet offruti minn programmi edukattivi Ewropej u speċjalment l-eTwinning. Barra minn hekk, is-Servizz Nazzjonali t'Appoġġ jorganizza numru ta' seminars, flimkien ma' taħriġ online, biex l-għalliema jsiru jafu aħjar din l-inizzjattiva tal-Kummissjoni Ewropea.

Din is-sena bdejna kampanja ta' informazzjoni biex l-Ispettorati Reġjonali tal-Ministeru ta' l-Edukazzjoni u x-Xjenza jkunu jafu l-benefiċċji tal-proġetti ta' l-eTwinning għall-iskejjel u l-kindergartens. Il-kampanja kienet imnedija f'seminar fl-Ispettorat Reġjonali ta' Sofia u nisperaw li nkomplu bl-ispettorati l-oħra tal-pajjiż.

X'pariri tagħti lill-għalliema li jixtiequ jissieħbu fi proġetti ma' skejjel fil-Bulgarija?

BIlli jirreġistraw fil-Portal Ewropew www.etwinning.net, l-għalliema jiksbu aċċess għal numru ta' riżorsi. Xi wħud minnhom (eż., TwinFinder, Mail, Chat, konversazzjoni Awdjo u Vidjo) jistgħu jintiżawbiex isibu msieħba ideali li imbagħad jistgħu jwasslu għal idea tajba għall-proġett kollaborattiv bejniethom. Kull għalliema għandu l-opportunità li jwettaq l-idea tiegħu għal proġett relatat mal-proċess edukattiv.

Huwa importanti li toqgħod attent għat-tqassim tax-xogħlijiet bejn l-imsieħba, li tippjana l-attivitajiet fuq il-firxa tal-proġett u li tikkunsidra dan kollu f'termini ta' kwalità u ta' ħin. Barra minn dawn biex ikollok proġett ta' kwalità għolja huwa importanti li żomm kuntatt kontinwu ma' l-imsieħba fil-proġett.

Interessat/a li tinvolvi ruħek fi proġett ta' l-eTwinning ma' skola fil-Bulgarija?

Tgħallem aktar dwar il-Bulgarija billi tagħti daqqa t'għajn lejn informazzjoni dwar l-proġetti ta' l-eTwinning u l-websajt tagħha.

• Informazzjoni Ġenerali (Wikipedia)
• Proġetti ta' l-eTwinning
• Servizz Nazzjonali t'Appoġġ

	Ippubblikat :	11/04/2008

	Mibdul l-aħħar :	26/05/2008

	Lingwi oħra :	bg | cz | da | de | el | en | es | et | fi | fr | hu | it | lt | lv | mt | nl | no | pl | pt | sk | sl | sv