Attivitajiet ta’ Tagħlim

Attivitajiet ta’ Tagħlim huma Attivitajiet intensivi qosra online dwar numru ta’ temi. Huma mmexxija minn espert u jinkludu xogħol u diskussjoni attiva bejn għalliema madwar l-Ewropa.

Tixtieq ittejjeb l-Iżvilupp Professjonali tiegħek u tiltaqa’ ma' nies ġodda? Mela l-Attivitajiet ta’ Tagħlim huma għalik! 

L-idea ta’ Attività ta’ Tagħlim hija ta’ kors intensiv qasir li joffrilek introduzzjoni għal suġġett, jistimula l-ideat tiegħek, jgħinek tiżviluppa l-ħiliet tiegħek u ma jitlobx minnek impenn fit-tul f’termini ta’ ħin.  Huwa wkoll imfassal biex tkun esperjenza ta’ tagħlim divertenti.

Kull Attività ta’ tagħlim tieħu bejn 4 u 5 ijiem ta’ xogħol u diskussjoni attiva, segwiti minn 4-5 ijiem ta’ riflessjoni u xogħol personali.  Il-materjal huwa online u tista’ taċċessah meta trid.

Kif tipparteċipa? L-applikazzjoni għal kull attività hija miftuħa għall-għalliema kollha rreġistrati mal-eTwinning, xi ġimgħa qabel tibda l-attività. Il-link qegħda fuq id-Desktop tiegħek, għalhekk illoggja biex timla l-formola li hemm online. Jekk għadek m’intix irreġistrat/a għamel dan billi ssegwi l-link fuq id-Desktop tiegħek.

L-Attivitajiet kollha jsiru fil-Laboratorju ta’ Tagħlim tal-eTwinning.

Hawn taħt issib il-lista l-ġdida ta’ Attivitajiet ta’ Tagħlim minn Jannar 2012:

30 ta’ Jannar – 12 ta’ Frar:    Tagħlim interġenerazzjonali  

Daniela Aghir u l-kollegi
Lingwa ta’ Ħidma: Ingliż
L-applikazzjonijiet jiftħu fl-20 ta’ Jannar

Dan l-avveniment se janalizza l-attitudnijiet lejn l-età u l-mod li bih is-soċjetà tħares lejn l-età u l-anzjanità.  Waqt l-attività, approċċi strateġiċi lejn it-tagħlim flimkien bħala ġenerazzjonijiet differenti se jiġu evalwati u pjanijiet għall-implimentazzjoni ta’ proġetti ta’ tagħlim interġenerazzjonali tal-eTwinning fl-2012, is-Sena Ewropea għal xjuħija Attiva u s-Solidarjetà bejn il-Ġenerazzjonijiet se jiġu żviluppati.


13 – 26 ta’ Frar:   Nersqu lejn il-Matematika 2.0

Irene Vasilescu
Lingwa ta’ Ħidma: Ingliż
L-applikazzjonijiet jiftħu fis-6 ta’ Frar

Dan l-avveniment huwa ffokat fuq xi ftit metodi għat-titjib tal-livell tal-involviment tal-istudenti fi proġetti li jinvolvu l-Matematika, li għandhom karatteristiċi speċifiċi u li ħafna drabi jitqiesu bħala ‘aridi’.  L-aspett tal-inċentiv tax-xogħol tal-proġetti se jiġi esplorati permezz tat-tipi ta’ attivitajiet li huma ppjanati, il-livell ta’ kollaborazzjoni u l-għodod użati.

27 ta’ Frar – 9 ta’ Marzu: eTwinning u l-Klassi Kreattiva

Ioanna Komininou
Lingwa ta’ Ħidma: Ingliż
L-applikazzjonijiet jiftħu fiż-17 ta’ Frar

Dan l-avveniment jipprovdi varjetà ta’ ideat u tekniki għall-iżvilupp ta’ proġett tal-eTwinning b’mod innovattiv u kreattiv. Dan huwa adattat għall-għalliema tal-eTwinning tad-dixxiplini kollha kemm prinċipjanti kif ukoll dawk li għandhom l-esperjenza.

12 – 25 ta’ Marzu: Naqsmu l-Fruntieri Kurrikulari

Paulien du Fossé
Lingwa ta’ Ħidma:Ingliż
L-applikazzjonijiet jiftħu fit-2 ta’ Marzu

Dan l-avveniment se jesplora kif proġett tal-eTwinning jista’ jkollu tema għal għadd ta’ suġġetti u jinvolvi approċċ għall-kurrikulu organizzat. Jiġu esplorati l-prattikalitajiet tal-iżvilupp ta’ tim ta’ għalliema li qed jaħdmu fuq kunċett tal-eTwinning.

16 - 27 ta’ April l-Arti, l-Istorja u l-filosofija għal proġetti tal-eTwinning

Adam Stepinski 
Lingwa ta’ Ħidma: Ingliż
L-applikazzjonijiet jiftħu fit-2 ta’ April

Dan l-avveniment se jittratta dwar il-modi kif jistgħu jiġu esplojtati l-arti, l-istorja u l-filosofija fl-eTwinning, inkluż - kif tadatta u tmexxi proġett interdixxiplinarju ta’ suċċess ibbażat fuq it-tliet suġġetti.

Editur tal-Web: Anne Gilleran Ippubblikat: 11.06.2009 Mibdul l-aħħar: 11.01.2012