Kodiċi ta' Mġiba tal-eTwinning

It-tim tal-eTwinning jirrikmanda li:

• Tiżgura li l-istampi u l-fajls li ttella’ (fuq il-Profil tiegħek u fil-qasam tar-Riżorsi) ma jiksrux id-drittijiet tal-awtur. B’mod partikolari, kun żgur li ma tippostjax stampi ta’ studenti li jkunu jistgħu jingħarfu.

• Meta tippostja kumment fuq Profil ta’ eTwinner ieħor, tiżgura li l-kumment tiegħek huwa relevanti għall-post oriġinali. Kummenti mhux addattati mhumiex permessi u jkunu rrappurtati.

• Tiżgura li l-messaġġi li tippostja fil-forums ikunu konsistenti mas-suġġett tal-forum. Krossposting (ippostjar tal-istess messaġġ f’aktar minn forum wieħed) mhuwiex permess.

• Iżżomm lura milli tibgħat wisq messaġġi permezz tas-sistema ta’ messaġġi interni lill-għalliema li ma tkunx qed taħdem magħhom. Huma jistgħu jqisu dan bħala posta mhux meħtieġa (spam).

• Tkun żgur li jkollok numru ta’ kuntatti fil-lista tiegħek li jkunu raġonevoli u ġestibbli .

• Tiżgura li xogħlok fil-proġetti li qed tipparteċipa fihom huwa bbażat fuq kollaborazzjoni reċiproka.

• Tevita li tistaqsi lil xi ħadd ikun parti mill-kuntatti tiegħek mingħajr komunikazzjoni minn qabel, biex tkun żgur li inti tabilħaqq interessat li tkunu f’kuntatt.

• Tillimita n-numru ta’ membri li jipparteċipaw fil-proġetti tiegħek għal dak li hu tassew meħtieġ biex il-proġett ikun suċċess.

• Tiddeċiedi dwar in-numru massimu ta’ msieħba qabel tirreġistra proġett u żżomm lura milli tistieden imsieħba addizzjonali jekk dan ma jkunx diskuss u miftiehem mal-imsieħba l-oħra tiegħek.

• Tillimita l-parteċipazzjoni tiegħek fi proġetti għal numru raġonevoli li fihom tkun tista’ tipparteċipa attivament.

• Qabel tissottometti entrata għall-kompetizzjoni Ewropea tal-Premjijiet tal-eTwinning, tiżgura li għandek il-ftehim tal-fundaturi tal-proġett li għandhom x’jaqsmu magħha.

Huwa strettament projbit li tuża l-eTwinning għal skopijiet kummerċjali. Kwalunkwe kumpanija, inizjattiva, attività jew softwer ta‘ interess kummerċjali jitneħħew, kif ukoll l-aċċess tagħhom għal Portal innifsu.

It-tim tal-eTwinning għandu għal qalbu l-eTwinners u jiżgura li kwalunkwe abbuż tal-kodiċi ta’ mġiba ta’ hawn fuq mhuwiex ittollerat.

Editur tal-Web: Christina Crawley Ippubblikat: 27.11.2009 Mibdul l-aħħar: 06.06.2011