Il-qoffa tax-xirja: sajjar bl-ingredjenti tiegħi!

Din l-attività tgħin lill-istudenti jifhmu lil xulxin permezz tal-ikel, nutrizzjoni tradizzjonali, it-togħma u l-benna. L-istudenti jipproponu l-ingredjenti li jridu jużaw u joqogħdu fuq l-immaġinazzjoni tal-imsieħba tagħhom billi jħeġġuhom jikkombinaw dawn l-ingredjenti u jivvintaw riċetta bihom.

Etajiet: 13 -il sena ‘l fuq

Livell: Intermedju

Tul: 4 sigħat

Għodod tal-ICT: TwinSpace

Pedagogical Objectives

Mat-tlestija ta’ dan il-proġett, l-istudenti ser ikunu:

jafu aktar dwar l-imsieħba barranin permezz tal-ikel tradizzjonali u n-nutrizzjoni,
jistgħu joħolqu riċetta ġdida ibbażata fuq l-ingredjenti magħżula mill-imsieħba,
jifhmu l-kulturi barranin permezz tal-ikel u n-nutrizzjoni,
jiżviluppaw l-immaġinazzjoni,
jesperimentaw b’ingedjenti u għodod ġodda.

Process

L-Ewwel Pass

Kull skola tiddeċiedi dwar l-ingredjenti – tipiċi tal-kċina lokali – li jitpoġġew fil-qoffa tax-xirja. Il-qoffa tista’ tkun ibbażata fuq mappa interattiva (għal dawk aktar avvanzati fl-ICT) b’informazzjoni speċifika ma’ kull wieħed mill-ingredjenti.

It-Tieni Pass

Studenti minn kull skola jmorru sas-suq u jsibu kemm jistgħu mill-ingredjenti ssuġġeriti. Imbagħad ikunu jistgħu iġibu l-ingredjenti fil-klassi, jduquhom u jiddiskutu modi differenti ta’ kif jistgħu jintużaw f’riċetta. Għażla oħra għall-istudenti hija li jsir taħlit tal-ingredjenti barranin ma’ dawk tradizzjonali biex joħolqu riċetta li tgħaqqad il-kulturi.

It-Tielet Pass

L-istudenti jħejju r-riċetta li jkunu vvintaw u jaqsmu l-fehmiet tagħhom dwar ir-riżultat fit-TwinSpace. Imbagħad jipproponu r-riċetta l-ġdida lill-imsieħba barranin filwaqt li jkomplu jiddiskutu u jiżviluppawha.

Outcomes

L-istudenti jitgħallmu dwar il-kultura tal-imsieħba tagħhom b’mod pjaċevoli, jiżviluppaw ħiliet tat-tisjir kreattiv u jibnu relazzjoni ta’ xogħol kollaborattiv mal-imseħbin tagħhom. Attività bħal din hija ideali għal kwalinkwe proġett tal-eTwinning u tqarreb lill-iskejjel lejn xulxin.

Tips