Ipprintja din il-paġna Print

Tinsab hawnhekk:

dħul
Inspiration
Il-Modules
Infittxu fuq l-internet, niktbu esejs u nagħtu kontribut fuq l-internet

Infittxu fuq l-internet, niktbu esejs u nagħtu kontribut fuq l-internet

Matul l-iżvilupp ta’ kwalinkwe proġett tal-eTwinning, l-istudenti minn kull naħa tal-proġett jużaw l-internet biex ifittxu t-tagħrif u jgħadduh lil xuxlin. Ħafna drabi attività bħal din tirriżulta li l-istudenti sempliċiment jikkuppjaw kitbiet u ritratti u dan ikun frustranti kemm għall-istudenti kif ukoll għall-għalliema tagħhom. Dan it-tip ta’ tiftix ma jinkludix il-ħolqien ta’ materjali ġdid għal fuq l-internet. Il-metodoloġija għat-tiftix li ser nipproponu tnaqqas il-problemi marbut ma dan it-tip ta’ tiftix billi tipprovdi linji ċari għat-tiftix, tqassir u ippubblikar tal-informazzjoni.

Etajiet: 13-il sena ‘l fuq

Livell: Intermedju

Tul: 6 sigħat

Għodod tal-ICT: Internet, magni ta’ riċerka, softwer għall-word processing, softwer għall-editjar tal-istampi.

Pedagogical Objectives

Mat-tlestija ta’ din l-attività, l-istudenti ser ikunu kapaċi:

jużaw l-għodod tal-ICT u makni ta’ riċerka
jikkollaboraw mal-partners tagħhom
jevalwaw websajts u l-kwalità ta’ informazzjoni li jkun fihom
jagħrfu bejn siti li wieħed jista’ jafda u dawk li le
jgħarblu t-tagħrif miġbur matul il-proċess tat-tiftix
jidentifikaw u jirrispettaw id-drittijiet kreattivi fuq l-interrnet
jikkomponu esej ibbażata fuq l-evalwazzjoni tat-tagħrif miġbur u fuq il-ħsibijiet tagħhom
japplikaw id-drittijiet tagħhom infushom lil din l-esej

Process

L-Ewwel Pass

L-istudenti jaħsbu f’mistoqsija li jridu jibgħatu lill-imsieħba tagħhom. Is-suġġett magħżul għandu jinkludi l-ħsieb kritiku, eż. jesploraw l-effetti tat-tisħin dinji li huwa suġġett importanti u kurrenti u li faċilment iwassal għal mistoqsijiet oħra.

Eżempju:

L “X’inhu t-tisħin dinji?”

Din il-mistoqsija hija miftuħa wisq u twassal sempliċiment biex l-istudenti jsibu definizzjoni imma mhux biex jagħtu l-fehmiet tagħhom.

J “Kif taħseb li t-tisħin globali ser jaffettwa ‘l pajjiżek?”

Din il-mistoqsija tippermetti interazzjoni aħjar bejn l-istudenti u tinvolvihom fi kwistjoni li hija parti minn ħajjithom kif ukoll minn dik tal-imsieħba tagħhom.

It-Tieni Pass

Biex joħorġu bir-riżultati, l-istudenti jaqsmu l-mistoqsija oriġinali f’bejn 6 sa10 mistoqsijiet speċifiċi oħra relatati mas-suġġett.

Eżempju:

X’inhu t-tisħin dinji?
X’inhuma l-effetti tat-tisħin dinji fuq l-arja, l-ilma u l-art?
X’jikkawża t-tisħin dinji?
Liema attività tal-bniedem l-aktar li tinfluwenza l-effett tat-tisħin dinji?
X’inhu l-‘Protokoll ta’ Kyoto’?
Liema organizzazzjoni hija responsabbli għat-tisħin dinji f’pajjiżi?
Liema organizzazzjoni hija responsabbli għat-tisħin dinji fil-pajjiż tal-iskola msieħba?
X’inhu l-livell tal-emmissjonijiet tas-CO2 fiż-żewġ pajjiżi?
X’nista’ nagħmel dwar it-tisħin dinji?
Ix-xjentisti x’qegħdin ibassru għall-futur?

It-Tielet Pass

L-istudenti jaħdmu fi gruppi żgħar. Kull tim huwa responsabbli għal ftit mill-mistoqsijiet. Għal kull waħda mill-mistoqsijiet imsemmija, l-istudenti jagħżlu keywords biex jintużaw fil-makni tar-riċerka fuq l-internet.

Eżempju:

Tisħin dinji, Protokoll ta’ Kyoto, effetti kollaterali fuq l-ambjent, emmissjonijiet tas-CO2, soluzzjonijiet tal-klima, eċċ.

Ir-Raba’ Pass

L-istudenti jfittxu kull waħda mill-keywords fuq l-internet imbagħad jimlew tabella bħal dik murija hawn taħt skond informazzjoni minn websajts li jkunu jidhru li jistgħu ikunu fdati. L-għalliema għandhom jiddiskutu mal-istudenti l-importanza li t-tagħrif li jiġbru jkun ta min joqgħod fuqu u li jridu jkunu kapaċi jagħrfu bejn sorsi tajbin u oħrajn mhumiex. Fl-ewwel kolonna l-istudenti jiktbu l-indirizz tas-sit. Fit-tieni kolonna jippruvaw jevalwaw il-paġni tas-sit skond dawn il-mistoqsijiet:

1. Huwa relatata mas-suġġett?

2. Huwa sit uffiċċjali ta’ organizzazzjoni magħrufa?

3. Jesprimi opinjonijiet personali jew tagħrif oġġettiv imsejjes fuq ir-riċerka?

Sit	Evalwazzjoni
http://www.globalwarming.org/	Relatat mas-suġġett, sit fdat, jipprovdi tagħrif xjentifiku
http://topics.nytimes.com/top/news/science/topics/globalwarming/index.html?inline=nyt-classifier#	Relatat mas-suġġett, artiklu minn eJournal, jesprimi fehma personali
Eċċ...

Fi tmiem il-proċess, skond id-dikussjonijiet u l-fehmiet tagħhom, l-istudenti jagħżlu t-tagħrif l-aktar ta’ valur biex jużawh għat-tweġiba għal-mistoqsija ewlenija.

Il-Ħames Pass

L-istudenti jistudjaw u jiddiskutu t-tagħrif miġbur.

Is-Sitt Pass

L-istudenti jiktbu esejs (bħala tim jew individwalment; skond id-deċiżjoni tal-għalliem/a) biex jesprimu l-fehmiet tagħhom dwar il-mistoqsija jew is-suġġett diskuss. Din hija opportunità tajba biex l-iskejjel imsieħba jikkollaboraw fil-proċess tal-kitba tal-esej.

Qafas tajjeb għal din l-esej jista’ jieħu din ix-xeħta:

Isem tal-esej + stampa ddisinjata mill-istudenti

1. Taqsira

2. Introduzzjoni qasira

3. Ir-riċerka tiegħi/tagħna u l-fatti li skjoprejna

4. Konklużjonijiet u ħsibijiet personali

6. Links u riżorsi

7. Id-drittijiet tagħna

Bħala tul, l-esej jista’ jvarja minn paġna għal bosta, skond l-għanijiet pedagoġiċi tal-proġett tal-eTwinning.

Outcomes

L-istudenti jaħdmu flimkien u jiżviluppaw riċerka online u ħiliet tal-kitba. Barra minn dan, ikunu mħejjija tajjeb għal attivitajiet u xogħol simili relatat mal-għanijiet ġenerali tal-proġett tal-eTwinning.