Aħbarijiet
Il-Promozzjoni tal-Multilingwiżmu: Permezz ta’ MYLO u Vokis
Bosta għalliema jħossuhom interessati jsibu modi innovattivi biex jgħallmu lingwa u jqajmu l-interess u l-kurżità tal-istudenti tagħhom. Din, ovvjament, hija raġuni eċċellenti biex jingħaqdu mal-eTwinning, billi l-iskejjel imsieħba jistgħu jgħinu lil xulxin. Anke hawn, l-għalliema jfittxu proġetti eċċitanti li jgħinu lill-istudenti tagħhom jitgħallmu flimkien.
Hemm ħafna websajts li jistgħu jgħinu biex irawmu l-multilingwiżmu iżda jistgħu jinħlew ħafna sigħat fl-esplorazzjoni ta’ websajt biex imbagħad jinstab li mhix tajba għall-ħtiġijiet tal-għalliem/a. Il-websajts li ġejjin jagħtu ‘ħarsa ġenerali’ lejn MYLO u VOKI u mhux biss hemm informazzjoni dwar is-siti iżda wkoll issib raġunijiet u xi ideat possibbli għaliex u kif għalliem jista’ jsib is-siti utli fis-sħubija tal-eTwinning
MYLO u Vokis
Introduzzjoni għall-websajt
MYLO (http://mylo.dcsf.gov.uk/) hija maħsuba biex tinvolvi liż-żgħażagħ fit-tagħlim tal-lingwi, trawwem il-kompetenza tagħhom, u tinkoraġġihom ikomplu jistudjaw il-lingwi. L-attivitajiet huma ddiżinjati f’serje ta’ sfidi u kull sfida hija ddiżinjata biex toffri esperjenza ta’ tagħlim ekwilibrata u awtonoma, li tippromwovi t-tagħlim tal-lingwa permezz tal-kreattività, is-soluzzjoni ta’ problemi, it-teħid ta’ deċiżjonijiet u tiftix.
Vokis (www.Voki.com) - Vokis huma faċli ħafna biex tagħmilhom u jistgħu jgħinu jżommu l-anonimità tal-istudenti u b’hekk jgħinuhom iħossuhom anqas imbeżża’ jekk ikunu mħassba dwar l-abbilità li jitkellmu b’lingwa barranija.
L-isfidi huma strutturati biex jinkludu:
Għarfien tal-isfond meħtieġ:
Rekwiżiti tekniċi:
Pjan:
1) L-għalliema msieħba jridu jikkollaboraw biex jagħżlu l-lingwa li se jippromwovu lill-istudenti tagħhom – din tista’ tkun l-istess lingwa għat-tnejn jew jistgħu jagħżlu l-lingwa ta’ xulxin, skont il-post ġografiku tagħhom.
2) L-għalliema mbagħad jagħżlu s-suġġett (pereżempju, minn MYLO, jistgħu jagħżlu minn bosta suġġetti inklużi dawn li ġejjin):
• Merħba u tislijiet
• Ismijiet
• L-età u għeluq is-snin
• Nazzjonalità u oriġini
• Jiem u xhur
• Ħin
• Numri
3) Fil-bidu l-għalliema jintroduċu lill-klassi kollha mas-sit MYLO u s-suġġett magħżul, billi juru li hemm attivitajiet li għandhom isiru u li f'kull stadju l-istudenti jistgħu jikklikkjaw fuq l-ikona tal-‘ispiker’ biex JISIMGĦU l-frażi.
4) L-istudenti jistgħu jaħdmu individwalment jew f’pari biex jagħmlu l-attivitajiet. Dan jista’ jkompli fuq medda ta’ xi lezzjonijiet, iżda qabel ma tintemm kull lezzjoni, l-istudenti għandhom jingħataw xi żmien biex JIBBLOGGJAW jew jippowstjaw messaġġ fit-TwinSpace (pereżempju, jistgħu jgħidu fejn waslu fl-attività u x’tgħallmu jgħidu, imbagħad jikkummentaw/iwieġbu l-bloggs/posts ta’ studenti oħra).
5) Hekk kif l-istudenti jħossuhom kapaċi, inkoraġġihom jagħmlu Voki tal-frażi li tgħallmu. Jistgħu jinkludu link għall-Voki tagħhom fil-blogg tagħhom, u l-istudenti l-oħra jistgħu jisimgħu l-Voki u ‘jaqtgħu’ xi tfisser – dan jinkoraġġixxi lill-istudenti ‘jitkellmu’ u jirrekordjaw.
6) L-għalliema u/jew l-istudenti jistgħu jagħżlu li jivvotaw għall-Vokis li jixtiequ jintegraw fit-TwinSpace – u l-għalliem jew l-istudent amministratur jista’ mbagħad itemm il-kompitu.
Ħjiel:
Jekk għalliem qed juża Vokis għall-ewwel darba, jista’ jkun ta’ għajnuna li toħloq ‘kont’ tal-iskola biex l-istudenti kollha jistgħu jissejvjaw il-Vokis tagħhom f’kont wieħed. Madankollu, dan mhux essenzjali!
Riżultati:
|
Disponibbli wkoll bil-...
|
Direttorat Ġenerali għall-Edukazzjoni u Kultura | Ċaħda ta’ responsabbiltà
| Kuntatt | Dwar dan is-sit