Aħbarijiet
Il-Promozzjoni tal-Multilingwiżmu: Europe ensemble
Bosta għalliema huma interessati li jsibu modi innovattivi biex jgħallmu lingwa, b’mod partikolari meta jgħallmu lingwa li mhijiex il-lingwa materna tagħhom. Din, ovvjament, hija raġuni eċċellenti biex tingħaqad mal-eTwinning billi l-iskejjel imsieħba jkunu jistgħu jgħinu lil xulxin. Anke hawn, l-għalliema jfittxu proġetti eċċitanti x’jagħmlu li jgħinu lill-istudenti tagħhom jitgħallmu flimkien.
Hemm ħafna websajts li jistgħu jgħinu biex irawmu l-multilingwiżmu iżda jistgħu jinħlew ħafna sigħat fl-esplorazzjoni ta’ websajt biex imbagħad jinsab li mhix tajba għall-ħtiġijiet tal-għalliem/a. Il-websajt li ġejja ‘ħarsa ġenerali’ lejn Europe ensemble mhux biss tagħti xi informazzjoni dwar is-sit iżda wkoll tagħti r-raġunijiet u xi ideat possibbli għaliex u kif għalliem jista’ jsib is-sit utli fis-sħubija tal-eTwinning.
Introduzzjoni għall-websajt
Europe ensemble hija websajt multilingwali mingħajr ħlas b’attivitajiet u riżorsi disponibbli fi 8 lingwi, ES, FR, IT, DE, PT, RO, EN, SE, maħsuba biex tinkoraġġixxi lill-istudenti jitgħallmu l-lingwi b’mod interattiv u stimulanti. Din toffri l-possibilitajiet għal-livelli kollha tal-istudenti mill-prinċipjanti (Livell 1 A1) sa livelli aktar avvanzati, (Livelli 2 u 3 A2, B1). L-ewwel livell joffri introduzzjoni ideali għall-istudenti involuti fi proġett li għadhom qed jibdew jitgħallmu l-lingwa tal-imsieħba tagħhom. Ir-riżorsi huma disponibbli f’midja differenti, test, awdjo, immaġnijiet, animazzjoni u vidjos. Hemm sezzjoni ta’ għajnuna animata li hija komprensiva u disponibbli fil-lingwi kollha.
Fokus Pedagoġiku
F’Europe ensemble, il-punt fokali huwa fuq li tipprovdi ċertu approċċ lejn il-kultura u ċ-ċivilizzazzjoni, li huwa adattat għall-interessi tal-istudenti żgħażagħ Ewropej. Tipprovdi wkoll il-bażi għall-kisba tal-lingwi.
Ir-riżorsi huma strutturati fuq approċċ orjentat lejn l-azzjoni, fejn il-ħiliet miksuba tal-lingwi jwasslu għat-twettiq ta’ xogħol fil-lingwa li tkun qed tiġi studjata: l-istudent jeħtieġ jassoċja dak li jgħid u jagħmel. L-istudenti huma inkoraġġiti jiżviluppaw interess fil-ġirien tagħhom, il-lingwi, il-kultura u l-mod ta’ ħajja tagħhom. Ir-riżorsa tenfasizza x’jagħmilhom differenti u x'jgħaqqadhom. Permezz tal-approċċ divertenti u bbażat fuq l-azzjoni lejn l-iskoperta ta’ lingwa ġdida, l-istudent ikun inkoraġġit jesperimenta bid-diversità lingwistika.
Rekwiżiti tekniċi:
L-użu ta’ dawn fl-eTwinning
Għalkemm dan is-sit jista’ jintuża mill-għalliema u mill-klassi tagħhom barra minn sħubija, Europe ensemble tista’ tifforma l-bażi ta’ proġett kollaborattiv eċċellenti fl-ambitu tal-eTwinning.
Pjan 1 – fil-format l-aktar sempliċi tagħha, l-għalliema fl-isħubija jistgħu jiddeċiedu:
Fl-aħħar tal-proġett, l-istudenti/gruppi għandhom juru li:
Pjan 2: Xi ideat ulterjuri ‘aktar strutturati’ li jistgħu jintużaw fi sħubija tal-eTwinning (iżda l-għalliema jistgħu ovvjament jiżviluppaw l-ideat tagħhom stess ukoll!):
|
Disponibbli wkoll bil-...
|
Direttorat Ġenerali għall-Edukazzjoni u Kultura | Ċaħda ta’ responsabbiltà
| Kuntatt | Dwar dan is-sit