Noħolqu l-belt ideali

L-istudenti jużaw tpenġijiet, deskrizzjonijiet u/jew pjanti dettaljati biex flimkien jiġġeneraw ideat ta’ belt ideali biex jgħixu fiha. Din l-attività tgħin lill-istudenti miż-żewġ skejjel biex jifhmu l-belt li fiha jgħixu l-imsieħba tagħhom, jaħsbu b’mod kreattiv dwar l-istil u l-kwalità tal-ħajja li jkunu jixtiequ għalihom infushom fi proċess kreattiv u interattiv filwaqt li jesprimu rwieħhom permezz tal-arti u d-disinn.

Etajiet: 5-18 snin

Livell: Faċli

Tul: 3 sigħat

Għodod tal-ICT: TwinSpace, scanner

Pedagogical Objectives

Mat-tlestija ta’ dan il-proġett, l-istudenti ser ikunu jistgħu:

jagħrfu d-differenzi bejn il-bliet u l-pajjiżi tagħhom,
jesprimu lilhom infushom permezz tat-tpenġija,
jagħrfu l-iżvantaġġi tal-belt tagħhom (jekk hemm),
jipproponu soluzzjonijiet għal-belt tagħhom skond dak li jkunu ddisinjaw l-imsieħba tagħhom,
jiżviluppaw il-kreattività tagħhom.

Process

Jekk nassumu li hemm 24 student f’tim (12 minn kull skola) naqsmu folja tal-karti (A4 jew akbar) f’24 kaxxa. Il-karta imbagħad tingħadda lill-istudenti kollha permezz ta’ scanner u l-email. Kull student irid iniżżel kwalità li l-belt ideali għandu jkollha. Jekk in-numru ta’ studenti jkun akbar u tħoss li l-proċess isir diffiċli, l-għalliema jistgħu jaħdmu b’numru akbar ta’ gruppi b’anqas studenti u b’mod parallel jipproduċu tpenġijiet differenti. L-istudenti għandhom iħarsu lejn il-kwalitajiet tal-ibliet tagħhom, eż. student mill-Isvezja jista’ jagħżel li jpoġġi spazji ħodor filwaqt li student mill-Greċja jagħżel li jpoġġi x-xemx.

Outcomes

B’mod kollaborattiv, l-istudenti joħolqu stampa ta’ belt. Jitgħallmu dwar ix-xebħ u d-differenzi li jeżistu bejn l-imsieħba u dan ikun bażi għal diskussjoni aktar wiesgħa u għal attivitajiet fi proġetti simili. Bħala attività biex tkompli ma’ din, l-istudenti jistgħu jiddeskrivu bi kliem u bi pjanti strutturali kif għandha tkun il-belt ideali tagħhom.

Tips