Aħbarijiet
Helpdesk
Jekk ma ssibx it-tweġibiet fil-lista tas-suġġetti li hawn illinkjata hawn fuq, jew jekk sempliċiment tixtieq taqsam xi kwistjonijiet ma’ eTwinners oħra, tista’ tuża l-forum ta’ din is-sezzjoni fuq id-Desktop. Ftakar li dan il-forum partikolari fuq id-Desktop mhuwiex biex tfittex imsieħba!
Ir-reġistrazzjoni għall-eTwinning hija proċess ta’ żewġ fażi:
N.B.: Fil-każ li ma tirċevix posta elettronika bil-konferma, iċċekkja fil-fowlder tal-Posta mhux Mixtieqa: jista’ jkun daħlet hemm. Jekk ma tkun tista’ ssib din il-posta elettronika mkien, ikkuntattja lis-Servizz t’Appoġġ Nazzjonali tiegħek. Terġax tirreġistra!
Ir-reġistrazzjoni hija miftuħa biss għall-għalliema li qed jaħdmu fi skola f’wieħed mill-pajjiżi Ewropej fejn l-eTwinning għandu Servizz t’Appoġġ Nazzjonali (ara l-lista sħiħa). Jekk m’intix għalliem, li taħdem fi skola f’wieħed mill-pajjiżi tal-eTwinning, l-aċċess tiegħek jiġi miċħud.
L-għalliema li huma interessati jieħdu sehem fi proġett tal-eTwinning, iżda li ma jistgħux jirreġistraw għax mhumiex parti mill-pajjiżi parteċipanti, jistgħu jiġu mistiedna bħala membri ta’ TwinSpace ta’ proġett eżistenti. Kuntatt għal dan għandu jsir minn barra l-Portal tal-eTwinning.
Ikklikkja fuq ‘Insejt il-password?’ tinsab fil-kaxxa tal-login fuq il-paġna prinċipali tal-Portal tal-eTwinning (ara r-rokna leminija ta’ din il-paġna). Ittajpja l-indirizz elettroniku tiegħek li użajt għar-reġistrazzjoni imbagħad agħfas ‘issottometti’. Wara inti tirċievi d-dejta tal-login tiegħek u password ġdida bil-posta elettronika.
Jekk ma tirċevix din il-posta elettronika, jew issib xi problema meta terġa’ tipprova tidħol, ikkuntattja lis-Servizz t’Appoġġ Nazzjonali tiegħek direttament.
Id-Desktop huwa l-qasam personali u privat tiegħek fl-eTwinning biex tagħmel kuntatt ma’ għalliema oħra tal-eTwinning u tingħaqad mal-attivitajiet differenti offruti (pereżempju, Attivitajiet ta’ Tagħlim, Gruppi tal-eTwinning, Kmamar tal-Għalliema u Proġetti). Id-Desktop huwa għall-istaff tal-iskola biss (għalliema, kapijiet tal-iskola, librara tal-iskola)! Jekk tirreġistra proġett tal-eTwinning, l-istudenti tiegħek ikollhom aċċess għal pjattaforma oħra msejħa t-TwinSpace.
Id-Desktop tal-eTwinning joffri numru kbir ta’ possibilitajiet biex tikkomunika ma’ għalliema oħra biex issib u tiltaqa’ ma’ msieħba għal proġetti futuri, taqsam esperjenzi u tippromwovi l-attivitajiet tiegħek.
Fil-Kamra tal-Għalliema, tista’ tingħaqad f’diskussjonijiet ta’ terminu qasir dwar suġġetti speċifiċi. Tista’ tagħżel li tagħti ħarsa ġenerali tal-Kmamar tal-Għalliema li hemm disponibbli fuq il-Portal tal-eTwinning jew tfittex għal waħda jew oħrajn aktar speċifiċi skont l-interessi tiegħek.
Tista’ wkoll tikkuntattja lill-kollegi Ewropej billi ssir membru ta’ Grupp tal-eTwinning. Dawn huma pjattaformi ta’ diskussjonijiet fuq terminu twil, simili għall-Kmamar tal-Għalliema, iżda b’aktar għodod biex imantnu u jħaddmu attivitajiet fuq medda twila.
N.B.: Il-Kmamar tal-Għalliema u l-Gruppi tal-Għalliema M’GĦANDHOMX ikunu użati għat-tiftix tal-imsieħba. Ovvjament, tista’ tiltaqa’ ma’ msieħba futuri fil-Kmamar jew Gruppi; iżda dan huwa effett sekondarju u messaġġi għat-tiftix tal-imsieħba fil-Kmamar u l-Gruppi mhumiex permessi.
Jekk qed tfittex imsieħeb direttament, tista’ tuża l-għodod tat-tiftix u l-forums fis-sezzjoni Sib eTwinners. Tista’ jew tibagħtilhom messaġġ direttament billi tikklikkja fuq l-envelop fin-naħa leminija fuq il-profil tagħhom, jew tikkummenta fuq entrata f’ġurnal tal-għalliema fejn tindika, pereżempju, esperjenzi simili, ħjiel jew l-interess tiegħek fi proġett li taħseb li jkun ta’ interess għalihom.
L-ewwel nett, iċċekkja biex tara jekk is-suġġett fil-kamra li qed tippjana li toħloq huwiex diġà qed jiġi diskuss f’kamra oħra. Evita li toħloq aktar minn kamra waħda dwar l-istess suġġett, inkella jinħoloq konfużjoni għal kulħadd.
Biex toħloq kamra ġdida, tista’ tagħżel ‘Oħloq kamra tal-Għalliema ġdida’ fis-sezzjoni ‘Il-Kmamar Tiegħi’. Imla l-oqsma obbligatorji kollha u ssottometti l-entrata tiegħek.
Meta toħloq Kamra, żgura li t-titlu jkun interessanti iżda ċar. Hekk ukoll, id-deskrizzjoni tal-Kamra għandha tkun iddettaljata u ċara għal dawk li jarawha. Tista’ tispjega x’qed tistenna mill-Kamra, min għandu jieħu sehem, it-tul ta’ żmien, eċċ.
Ladarba tinħoloq il-Kamra, għandek tippostja mill-anqas l-ewwel messaġġ tal-forum: din hija l-‘merħba’ lill-membri li se jaċċessaw il-Kamra. F’dan il-messaġġ, għandek tispjega x’għandu jsir (pereżempju, introduċi lilek innifsek, aqsam materjal, spjega x’taħseb li jista’ jsir fil-Kamra, eċċ.) u pprova kun konkret kemm jista’ jkun biex ikun aktar faċli biex ħaddieħor jikkontribwixxu.
Il-Kmamar huma viżibbli għall-eTwinners l-oħra biss jekk ikollhom mill-anqas żewġ membri. Għalhekk, li għandek tagħmel issa huwa li tistieden kollegi oħra; iżda, membri mill-kuntatti tiegħek biss jistgħu jkunu mistiedna direttament minnek. Alternattivament, xi ħadd jista’ jitlob li jingħaqad mal-Kamra tiegħek, u b’hekk bħala dak li tkun ħloqt il-Kamra, inti tirċievi notifika. Jekk tkun tixtieq taċċetta dawn il-membri l-ġodda, sempliċiment ikklikkja fuq ‘aċċetta’.
Jekk inti ħloqt Kamra, għandek ir-responsabbiltà li tħaddimha u tista’ tieħu azzjonijiet differenti bħal testendi l-iskadenza tal-Kamra, teditja d-deskrizzjoni, tistieden kuntatti, tamministra l-membri u timmaniġġja l-forum.
Bħala dak li ħloqt il-Kamra, inti tista’ tħassar messaġġi fil-forum. Dan għandek tagħmlu biss fil-każ li l-messaġġi ma jkunux jaqblu mal-għan tal-kamra (pereżempju, jekk huma talbiet għat-tiftix tal-imsieħba li posthom fil-fatt huwa fil-forums ‘Sib eTwinners’). Aħna nissuġġerixxu li inti tikkuntattja wkoll lill-awtur tal-messaġġ biex tispjega għaliex ħassart il-messaġġ tiegħu/tagħha.
Il-forums tad-Desktop tal-eTwinning xi drabi kienu fil-mira ta’ ‘posta mhux mixtieqa’. li tgħabbi lill-għalliema b’għadd ta’ messaġġi ta’ tiftix ta’ msieħba jista’ jfixkel lill-komunità inġenerali u jwasslu lil ħaddieħor għall-frustrament.
Nixtiequ nitolbu lill-eTwinners kollha biex jevitaw milli jippostjaw l-istess messaġġ fuq forums differenti, mingħajr ma jikkunsidraw is-suġġett tal-Kamra tal-Għalliema jew tal-Grupp tal-eTwinning partikolari. Kull Kamra u Grupp għandu suġġett u għan (speċifikati fit-titlu u d-deskrizzjoni) u dan mhuwiex għat-tiftix tal-imsieħba jew għall-postings esaġerati. Jekk inti membru, aħna nissuġġerixxu li taqra l-messaġġi tiegħek bir-reqqa qabel tippostjahom billi mbagħad la tista’ tħassarhom u anqas teditjahom wara.
Id-Desktop tal-eTwinning joffrilek il-possibilitajiet kollha biex tiftaħ jew tingħaqad f’diskussjonijiet dwar suġġetti speċifiċi kif ukoll jipprevedi għodod addizzjonali għat-tħaddim ta’ tiftix avvanzat għal imsieħba prospettivi. F’dan is-sens, anqas għaġeb jissarraf f’aktar suċċess!
Meta tuża l-għodod b’mod tajjeb u b’rispett, u tidentifika s-suġġetti tal-forums differenti, inti tkun tista’ tieħu sehem fid-diskussjonijiet u ssib imsieħba għal proġetti fil-ġejjieni b’mod effiċjenti u effettiv.
Jekk taħseb li xi ħadd qed jibgħat ‘posta mhux mixtieqa’, tiddejjaqx tibgħat messaġġ biex tidderiġihom fid-direzzjoni t-tajba, jiġifieri lejn qasam differenti tad-Desktop. Forsi tixtieq tiċċekkja preżentazzjoni li għamilna bil-kwistjonijiet prinċipali jkunu relatati man-Netiquette tal-eTwinning .
L-ewwel nett, tista’ ddur fuq sħabek l-eTwinners, billi kollha jistgħu jgħinuk skont l-esperjenzi tagħhom fuq id-Desktop tal-eTwinning u bħala kordinaturi tal-proġetti. Tista’ titlobhom l-għajnuna billi tibagħtilhom messaġġ personali jew, meta disponibbli, billi tippostja mistoqsija f’Kamra tal-Għalliema jew Grupp tal-eTwinning relevanti.
jekk ma tistax tikseb it-tweġibiet jew l-informazzjoni li qed tfittex mingħand il-kollegi tiegħek, tista’ tiċċekkja l-Mistoqsijiet Komuni u l-linji gwida fis-sezzjoni tal-għajnuna fuq il-Portal tal-eTwinning.
Meta l-informazzjoni online ma tkun ta’ għajnuna biex issolvilek il-problemi tista’ tikkuntattja lis-Servizz t’Appoġġ tal-eTwinning:
|
Disponibbli wkoll bil-...
|
Direttorat Ġenerali għall-Edukazzjoni u Kultura | Ċaħda ta’ responsabbiltà
| Kuntatt | Dwar dan is-sit