Nibdew

eTwinning hija l-komunità għall-iskejjel fl-Ewropa. Din toffri pjattaforma għall-istaff (għalliema, kapijiet tal-iskola, librara, eċċ.) li jaħdmu fi skola f’wieħed mill-pajjiżi Ewropej involuti biex jikkomunikaw, jikkollaboraw, jiżviluppaw proġetti, jaqsmu u fi kliem ieħor ikunu parti mill-aktar komunità ta’ tagħlim eċċitanti fl-Ewropa.

Aktar minn mitt elft persuna huma diġà parti mill-eTwinning. Ara x’għandhom x’jgħidu dwarha f'L-ilħna tal-eTwinning, ktieb miktub mill-għalliema nfushom.

Kif tibda taħdem fl-eTwinning…

Jekk inti involut/a fi skola fl-Ewropa, li tibda taħdem fl-eTwinning huwa faċli ħafna, hemm erba’ passi li għandek issegwi!

L-Ewwel Pass: Ħares lejn x’hemm lest

Dur dawra fil-Portal biex titgħallem dwar il-proġetti u l-attivitajiet oħra tal-eTwinning. Sib l-ispirazzjoni u oħloq l-ideat tiegħek stess.

Iċċekkja l-proġettital-eTwinning u kollegi oħra tal-eTwinning fuq il-mappa tal-eTwinning. Jista’ jkun li l-iskola tiegħek diġà rreġistrata!
Jekk inti interessat twaqqaf proġett ta’ kollaborazzjoni, iċċekkja l-Kitts u s-sezzjonijiet tal-Modules: issib ideat u direzzjonijiet.
Sir af dwar opportunitajiet ta’ żvilupp professjonali.
Skopri l-Gruppi tal-eTwinning li tista’ tingħaqad magħhom.
Ikkuntattja lis-Servizz t’Appoġġ Nazjonali (NSS) tiegħek jekk trid tkun taf iżjed.

It-Tieni Pass: Irreġistra għall-eTwinning (għalfejn tirreġistra?)

Issa li taf li l-eTwinning huwa għalik, agħti d-dettalji dwarek u dwar l-iskola tiegħek u oħloq il-profil ta’ l-eTwinning tiegħek. Kun ċert/a li timla l-formola sewwa: din l-informazzjoni tidher fil-profil tiegħek. Ladarba tirreġistra, ikollok il-username u l-passwerd tiegħek li jippermettulek tidħol fid-Desktop tal-eTwinning u titgħallem dwar l-oħrajn.

Aktar dwar ir-reġistrazzjoni

It-Tielet Pass: Żviluppa l-esperjenza tal-eTwinning tiegħek

Ladarba tirreġistra, tista’ tilloggja fid-Desktop biex tagħmel kuntatt ma’ eTwinniers oħra, tiskambja ideat, tigħallmu flimkien u tippjana attivitajiet kollaborattivi għall-ġejjieni. Id-Desktop huwa t-tieqa personali tiegħek fuq il-pjattaforma, għalhekk kun żgur/a li żżommu aġġornat biex tkun tista’ taqsam dak li tagħmel ma’ eTwinners oħra.

Jekk tixtieq tibda proġett, ibda fittex imsieħeb prospettiv bill-kriterji li ġejjin:

li jkollokom l-istess għanijiet u li taqblu fuq suġġett għall-proġett kollaborattiv;

li tikkomunikaw regolarment u b’mod miftuħ;

li jkollkom studenti ta’ età, numru u livell ta’ lingwa li jixxiebħu;

li jkollkom aċċess għat-tagħmir tal-ICT li jippermetti l-kollaborazzjoni effettiva fl-iskola.

Ir-Raba’ Pass: Ibda aħdem mal-imsieħba tiegħek

Jekk inti lest għal Proġett tal-eTwinning, ladarba tkun sibt imsieħeb u ddeċidejtu tibdew proġett flimkien, tista’ tirreġistrah fuq il-Portal. Meta tagħmel dan ikollok aċċess għall-għodod kollaborattivi tat-TwinSpace kif ukoll tiġi mogħti l-Label tal-eTwinning, li tista’ tistampa u turi fl-iskola. Biex iżżomm il-bqija tad-dinja aġġornat dwar il-progress tal-proġett, tista’ tippubblika l-entrati fid-Djarju tal-Proġett tiegħek.

Importanti: netiquette!

L-eTwinning hija komunità ta’ nies. Għalhekk, hemm xi regoli li għandek tikkonforma magħhom biex iżżomm l-eTwinning kredibbli u sigur. Ara din il-preżentazzjoni.

Awguri għall-eTwinning!

Għal aktar informazzjoni, ara l-VIDJO BIL-LINJIGWIDA, ikseb tweġibiet għall-mistoqsijiet tiegħek mill-Mistoqsijiet Komuni, jew ikkuntattja l-Helpdesk Ewropew jew lis-Servizz Nazzjonali t’Appoġġ